Qeveria: Draft-statuti i Asociacionit që qarkulloi mbrëmë, nuk përkon me propozimin evropiano-amerikan

11:26 | 1 Nëntor 2023
E.G

Zëdhënësi i Qeverisë së Kosovës, Përparim Kryeziu, ka thënë se dokumenti që ka qarkulluar mbrëmë në disa media, për sa i përket draft-statutit të Asociacionit, nuk përkon me propozimin evropiano-amerikan që i është dorëzuar kryeministrit Albin Kurti më 21 tetor.

“Dokumenti që është publikuar dhe që ka qarkulluar mbrëmë në disa portale dhe televizione si “draft-statut i Asociacionit të Komunave me Shumicë Serbe” absolutisht nuk përkon me propozimin Evropiano-Amerikan që i është dorëzuar kryeministrit Kurti në takimin e 21 tetorit si plan për ecjen përpara.”, tha ai, shkruan Arbresh.info.

Ndryshe, mbrëmë është publikuar një dokument sipas të cilit, draft-statuti për themelimin e Asociacionit të komunave me shumicë serbe, i propozuar nga Bashkimi Evropian më 21 tetor, “siguron një vetëqeverisje kornizë me autonomi substanciale për komunitetin e serbëve të Kosovës”./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm